State Day of Prayer hmang leh dawn

State Day of Prayer Committee office bearer-te chu nimin chawhnu khan working chairman F Rodingliana, minister of state inah an ṭhukhawm a, nakkum 2026-ah State Day of Prayer hman leh an rêl.

Ṭhutkhawmah hian State Day of Prayer chungchangah Council of Churches in Mizoram (CCM) nen an indawrnaah CCM lamin ruahmanna mumal zawk an la neih loh avangin kum 2026-ah pawh State Day Prayer chu State Day of Prayer Committee-in keng tlang leh phawt se tiin an rêl a ni.

State Day of Prayer Committee chairman thar atan Rev. Lalramliana Pachuau leh vice chairman thar atan Rev. TC Laltlawmlova an ruat nghal a; State Day of Prayer Executive Committee-ah hian kohhran pawl hrang hrang aiawh leh political party aiawhte nen member mi 64 an awm.

State Day of Prayer hi kum 2024 leh 2025-ah Mizoram State Day-ah hman a lo ni tawh a ni.