Khuangleng leh Thenzawla hmunte industrial area ni tura hmalak rel

Special Investment Committee on Agriculture & Allied Sector (SICAA) chu an chairman Dr KC Lalmalsawmzauva, adviser to CM (Hand-holding) kaihhruaiin nimin khan an ṭhukhawm a; Khuangleng hmun leh Thenzawl special investment zone-te chu industrial area-a puan a nih theih nan hmalak an rel.

Ṭhutkhawmah hian September 20, 2025-a Mizoram sorkarin Opickpure Organic Pvt. Ltd.-te Khuanglenga sawhthing sawngbawlna din tura thuthlung a ziahpui tawha hmalakna te, AV Biotech nena thuthlung ziah tum leh chumi kaihhnawiha Thenzawl special investment zone-a hmalakna kal mekte sawiho a ni.

Commerce & Industries department aiawhte'n Khuanglenga Opickpure-te inbunna tur ram leh Thenzawl special investment zone-a AV Biotech-te inbunna tur ram tihfel a nih theih nana hmabakte an tarlang a: "Karleh lamah a hmun tlawh ni se, hemi behchhan hian forest clearance dil ni se," an ti.