Mamitah kawng la dang zel

Mamit panna kawngpui hrang hrangte a chhiat lutuk avanga Mamit All NGO leh Commercial Vehicle Owner Association, Mamit district ṭang dunin October 16, Ningani zing dar 7 aṭanga Mamit Zero Point-a kawng dan chu nimin tlai thleng khan an la chhunzawm.

Mamit aṭanga thu dawn danin, kawng dannaah hian dam lohna thila pawimawh bik tih loh chu lirthei zawng zawng dan a ni a; lirthei a kaltlang loh nan zan lamah pawh tlaivarin an duty ṭhin a ni.