Rêla sawhthing thawn chhuah dan tur NF Railway hotu sawipui

Agriculture & Farmer Welfare minister PC Vanlal-ruata chuan nimin khan Guwahati-ah Northeast Frontier Railway general manager Chetan Kumar Shrivastava a kâwm a, Sairang rél chawlhhmun aṭanga rêl hmanga sawhthing thawn chhuah dan tur a sawipui.

PC Vanlalruata chuan, kum 2026-a sawhthing thawn chhuah dan turah rél hman ṭangkai an duh thu NF Railway hotute a hrilh a; tunah chuan sawhthing lo chu Mizoram aṭanga thlai thawn chhuah tham a awm rih loh thu sawiin, "Sawhthing hi min ngaih pawimawhsak hle a ngai dawn," a ti.

NF Railway hotute chuan, Mizorama sawhthing tharte phurh chhuah nan millennium parcel van buatsaihsak theih ngei an tum thu an lo hrilh a; Delhi, Kolkata, Gauwahati aṭanga bungrua phurh man tun aia awlsam leh tlawm zawka mipuite'n an chhawr theih dan tur an sawiho bawk.

Minister PC Vanlalruata hian Guwahati Mizo Welfare hnenah thlanmual in sak ṭanpui nan Rs 1,00,000 a pe a ni.