Graduation leh Lamp Lighting hmang

Nursing School, Lunglei chuan nimin khan an auditorium-ah 28th Batch Graduation leh 31st Batch Lamp Lighting Ceremony an buatsaih a, Lunglei High Powered Committee (HPC) vice chairman V Malsawmtluanga, MLA-in a hmanpui.

V Malsawmtluanga hian nurse rawngbawlna a ngaihhlutzia lantir nan Lunglei Nursing School-a zirlai ti ṭhate chawimawina, 'V Malsawmtluanga Award' atan kum tin ama mimal sum Rs 1,00,000 a hlan tur thu a puang.

Lunglei Nursing School principal hlui T Rozami kaihhruaiin zirlai tharte leh zir chhuakte khawnvar chhit leh thutiam sawi rualna hun hman a ni a; zirlai ti ṭhate hnenah chawimawina hlan a ni bawk.

Nursing School, Lunglei hi December 17, 1995-ah din a ni a, kum tin zirlai 20 lak ṭhin a ni ṭhin a, zirlai 500 chuangin an zir chhuak tawh a ni.