International Star Expo sawifiah

Lammuala Inter-national Star Expo neih meka Mizo vendor mi 15-te chuan MZP leh Mizoram Merchant Association (MIMA) hmalakna chungchang an sawifiah a; state pawn aṭanga rawn kal zingah ILP nei loa rawn lut an awm loh thu an tarlang.

Mi 15-te hi F Rohlu-puia, Duhsakzuala, H Lalchunglura, Lalṭha-kima, Rohluzuala, Vanzamliana, Diana Lalzarliani, Zonun-mawii, C Lalrinsanga, Parvulluaii, Sara, Ngai-hluni, Lalrinawmi, Zonuntluangi, Van-lalramdinthari leh Malsawmtluanga Khiangte te an ni.

Mizo vendor-te chuan, International Star Expo chu phalna felfai tak neia huaihawt a nih thu an tarlang a, "State pawn aṭanga rawn kalte hi temporary ILP nei veka rawn lut an ni a, an ILP lo tawp hmante an awm a, ILP pawh an man ni-ah vêk an renew a, a tûkah an ILP valid a rawn thleng leh vek a ni," an ti.

Vendor-te chuan, "Permission fel tak leh No Objection Certificate neih ngaite nei fel veka organise a ni a, state pawn aṭanga vendor-te pawhin tunah hian Casual Taxable Person registration tiin, Trade Expo atan temporary trade license an nei," an ti a; GST pawh an chhûn luh vek dawn thu an sawi bawk.