Home naupangte tan tour buatsaih

Assam Rifles chuan Civic Action Programme hnuaiah Zokhawsanga Children’s Home naupang 15-te tan National Integration Tour an buatsaih a, nimin khan 23 Sector DIG Brig. Pushpendar Sorayan-a'n Khatlaa 23 Sector Headquarters aṭangin a vailiam.

Tour hi October 15-21, 2025 chhung neih tur a ni a; zirlaite chu Guwahati leh Shillong leh a chhehvela hmun pawimawh leh hmun nuamte tlawhpui an ni dawn. Laitkor, Shillong-a AR hmunpui ber, Director General hmunhmate tlawhpui an ni bawk ang.

Brig. Pushpendar Sorayan chuan, Tour chu naupangte’n an hlâwkpui ngei a beisei thu sawiin, naupangte chu an hmun tlawhte leh an thil hmuhte aṭanga chìn dan ṭha leh hmasawnna turte Mizorama hàwn turin a chah a; tour-a kal turte chu Assam Rifles lukhum a pe vek a ni.