KHAWTHLIR

Halpuah khapna dan pawm lailâwk

Home minister K Sapdanga hoin nimin khan Secretariat conference hall-ah sorkar hotute leh khawtlang hruaitute'n halpuah leh a kaihhnawih khapna tura ruahman, 'The Mizoram Regulation of Fireworks Bill, 2025' an thlirho. Bill hi a thuphungin an pawm a, Law & Judicial department chûlmâm turin an dah.

END-in heroin man

Excise & Narcotics department chuan nimin zing dar 9 khan Champhai Zote leh Bulfek inkar kawngpuiah heroin (no 4) gram 31.300 (hawng 2) leh a neitua puh Zodinliana (42) s/o F Laldinpuia (L) leh Lalmalsawmi (30) d/o Lalthlamuana, College Veng, Aizawla cheng nia inchhâlte an man. NDPS Act 1985 tlawhchhanin thubuai an ziak lut a, nimin vek khan Champhai District Court-ah an hruai nghal. END hian heroin phurhna atana hman TATA Xenon MZ-04 7843 an hrêng bawk.