Ei leh in siam leh zuarte tan FSSAI license neih ngei a ngai

Directorate of Health Services hnuaia Food Safety deputy commissioner F Lalliantluanga chuan hriattirna a tichhuak a; Food Safety and Standards Act, 2006-in a phût angin eiin siam leh zuara sumdawnna neite'n food license (FSSAI license) an neih ngei a ngaih thu a tarlang.

F Lalliantluanga chuan, eiin sumdawnnain a kawh chu mihring ei tur siam leh zawrh zawng zawng a nih thu a tarlang a, "Eichawp dawr, thingpui dawr, restaurant, cafe, hotel, guest house, homestay, hostel, caterer, chhang siam, chawhmeh zuar, sa dawr, theitui siam, kawng kama ei leh in dawr siam (street food vendor) zawng zawngte a huam. Food license nei loa sumdawnna kalpui chu Food Safety and Standards Act, 2006 Section 63 bawhchhiatna a ni a, Rs 1,00,000 thleng chawi theihna a ni," a ti.

Food license chu Lawngtlai district-a awmte tan October 8-10, 2025 chhungin Lawngtlai CMO conference hall leh Lawngtlai Bazara Baptist Church of Mizoram Lorrain Hall-ahte siamna hun hawn a nih dawn thu tarlan a ni a; license siam duhte chuan voter identity card, passport size thlalak leh Gpay hmanga fee pek theihna tur mobile phone an neih a ṭul thu tarlan a ni bawk.