Khaw 3-ah Legal Aid Clinic hawng

Mizoram State Legal Services Autho-rity chuan nimin khan Thenzawl, Chhiahtlang leh Chhingchhipa Legal Aid Clinic buatsaih thar chu MSLSA executive chairman leh Gauhati High Court judge Justice Nelson Sailo-in a hmanpui.

Justice Nelson Sailo chuan, dan hriat tâwk a awm thei lo a, ni tin inzir thar reng a ngai tih sawiin, "Mi tinin kan chanvo kan chan ngei theih nan Legal Aid Clinic buatsaih a ni a, mipui mimirin dan leh hrai kaihhnawih thurâwn an lak theihna tur leh harsatna leh mamawhna an neih apianga an pan theih tura hawn a ni," a ti.

Legal Aid Clinic chu puih ngai tu pawhin inthlahrung loa an pan tur a nih thu sawiin Nelson Sailo chuan, inthlahrung loa pan ṭhin tur leh ṭangkai taka hmang turin mipui a chah a; clinic chu para legal volunteer-te'n an vil dawn thu a sawi.

MSLSA member secretary Vincent Lalrokima pawhin thu sawiin, Legal Aid Clinic chu mipui tan malsawmna a nih ngei an beisei thu a sawi a; Mizoram sorkarin MSLSA bakah, district tinah District Legal Services Authority a din thu sawiin, "Eng hawi zawwwng pawha ṭanpui ngaite ṭanpui tura theihtawp chhuah hi a dinchhan a ni," a ti.

Justice Nelson Sailo hian khaw pathumah hian silpauline leh emergency light eng emaw zat VC-te hnenah a hlan nghal a ni.