Rualbanlote chanvo chungchang zirho

Law & Judicial department bultumin nimin khan Gauhati High Court, Aizawl Bench conference hall-ah judicial officer-te leh sorkar ukilte tan 'Handling Matters Related to Persons with Disabilities' tih hmangin zirhona buatsaih a ni a; Gauhati High Court judge Justice Michael Zothankhuma'n a hmanpui.

Michael Zothankhuma chuan, The Rights of Persons with Disability Act, 2016 hnuaia rualbanlo, PwD-te'n dikna chanvo an neihte humhalh turin judicial officer te, ukilte leh public prosecutor-te an pawimawh thu a sawi a, "Dan tlawhchhan chunga hmangaihna leh hriatthiamna rilru neih a ṭul. PwD-te'n right an neihte hman khawhloh theihnaah erawh fimkhur a ngai," a ti a; PwD-te chanvo hmansualna awm tawhte leh court thutlukna awm tawhte a tarlang.

PwD commissioner Vanlaldiki Sailo pawhin thu sawiin, PwD-te'n an dikna chanvo an chan theih nan leh an chanvo humhalhsak a nih theihna tura hmalaknaah judicial officer-te leh sorkar ukilte puihna an dawng ṭhin chu lawmawm a tih thu a sawi.

Zirhonaah hian mithiamte'n thupui hrang hrang an zirtir a, sawihona leh zawhna leh chhanna hun hman a ni.