SAY inkhawmpui lian a ṭiak

Salvation Army Youth (SAY) India Eastern Territory inkhawmpui lian ber, SAY India Eastern Territory Congress vawi 27-na, October 3, Zirtawpni zana Darlawna ṭan chu nizan khan a ṭiak.

SAY Congress ṭan zan hian Salvation Army IET chief secretary Lt Col. Masilamani Stalin-a'n Pathian hnenah inkhawmpui a hlan a, thuchah a sawi nghal. October 4, Inrinni chawhma leh chawhnu khan Praise Meeting neih a ni a, zanah Ṭawngṭaina Inkhawm leh Variety Programme hman a ni.

Nizan khan Chhandamna Inkhawm neih niin, inkhawmpui hi a ṭiak zui. Hmarchhak pum huap SAY Congress-ah hian palai 5,000 vel an in report.

Nimin Pathianni khan Thianghlimna Inkhawm neih a ni a; territorial commander Col. Lalbulliana'n kum 2026-a SAY IET thupui tur chu 'Hmun a la awm' a ni tih puangin, Pathian hnena a hlan nghal.

SAY Congress hi Darlawn GSA Playground-a pandan sakah hman a ni a; nimin chhuna chhinchhiah danin, SAY Congress-ah hian palai 5,500 vel an tel a ni.