PYF Biennial Conference 2025 a ṭiak

India rama Presbyterian Kohhran ṭhalaite inkhawmpui, Presbyterian Youth Fellowship (PYF) Biennial Conference vawi 25-na, October 2, 2025 zana Youth Recreation Centre (YRC), Aizawla ṭan chu nizan khan a ṭiak.

Kumina PYF Biennial Conference thupui chu 'The Lord has done great things for us' tih a ni a, Rev. Lalchawiliana Varte (Cachar Hill Tribe Synod), Rev. Dr Rosiamliana Tochhawng (Mizoram Synod - Excutive Secretary i/c KṬP), Rev. Dr BL Nongbri (JRTC principal) leh Rev. DC Haia, (Presbyterian Church of India moderator) ten thuchah an sawi.

Inrinni khan nilengin Ṭhuampui Venglai Kohhran biak-inah rorel a ni a, zanah PYF Bielnial Conference vawi 25-na lawmna pualin hun hman niin, zanah jubilee mei dêt a ni. Nimin Pathianni khan zing karah Lalpa Zanriah Sakramen buatsaih a ni ang a, chhunah leh zanah vantlang Pathian biak inkhawm neih a ni.

PYF inkhawmpui hi kum kar thlaka neih ṭhin a ni a, kumin hian Central KṬP-in an thleng a, Mizoram leh state hrang hranga Presbyterian Kohhran ṭhalai pawlte aṭangin palai 900 vel an tel a ni.