Khawzawlah naupang enkawlna hmun endik

Nimin khan Khawzawl additional DC K Zorammuana hoin a pisaah naupang enkawlna hmun - child care institutions (CCI) endik dan tur leh hmalak dan tur sawiho a ni a; chawhnu lamah endik nghal a ni.

Additional DC leh Committee member-te'n Khawzawla Observation Home, Exodus Boys Home leh Little Woods Girls Home te chu an endik a; an hnathawh chin leh hnathawh dan bakah, hmalak zel dan tur an en a ni.

CCI-a thawkte ruahmannate leh naupang an enkawl dante enfiah a ni a, naupang awmte chu an kawm bakah, CCI hnuaia hun an hman dante an sawipui bawk.