MSO-in dan loa sumdawngte Sumdawnna titawp turin ti

Mara Student Organisation (MSO) Headquarters, Siaha hruaitute chuan nimin khan Siahaah thuthar thehdarhtute an kawm a; dan lo sumdawngte chu an sumdawnna titawp vek turin an hriattir thu an sawi.

MSO president Eliasa Notlia chuan, Siaha district-ah non-tribal dawr 62 leh licence nei lo dawr 10 a awm thu a sawi a, "Hengte hi November 10, 2025 ral hma ngeiin titawp vek turin kan hriattir a ni," a ti. An dawr chu mi dang hnena hralh lo tura an tih thu sawiin, "Khawtual mite pawhin lei chhawnsak lo turin kan ngen," a ti a, an bungruate chu hralh zo mai tura an hriattir thu a sawi.