In sak ṭanpuina hi party mi leh sa induhsakna chi a ni lo - RD Minister

Rural Development & Administration (RDA) minister Prof. Lalnilawma chuan nimin khan West Phaileng Rural Developemnt golden jubillee lawmna a hmanpui a, BDO office sak thar a hawng. Minister chuan, in sak ṭanpuina chu party mi induhsakna chi a nih loh thu a sawi.

Prof. Lalnilawma chuan, RDA department chu mirethei leh harsa zawk tana ding a nih thu a sawi a, "In sak ṭanpuina lokal ṭhin pawh a dawng tur dik takin an dawng tur a ni a, party mi leh sa induhsakna chi a ni lo. Ṭanpuina hmu tur takin an hmuh a, khua/vengin hma an sawn phah hi sorkar duh dan a ni. Sorkar chuan kut hnathawtute a ngai pawimawh a, an eizawnna feh kawng ṭha zawka cheisak turin ruahmanna a siam mek," a ti.

RDA department-a thawkte chu thingtlang lama chengte tana thawk an ni tih inhre tura chahin Minister chuan, "Mahni kea ding thei tura chher chhuah kan tum tur a ni," a ti a; self help group-te thil siamte Mizoram pawna thawn chhuah a nih theih nan sorkarin theihtawp a chhuah thu a sawi bawk.

Jubillee lawmna leh BDO pisa thar hawnnaah hian Mamit bawrhsap K Laltlawmlova, RDA deputy secretary Lalvenhima bakah, sorkar hotute leh khawtlang hruaitute an tel a ni.