2026-ah sorkar chawlh ni 28 a awm

Mizoram sorkar chuan kum 2026 chhunga sorkar chawlh (holiday) turte leh restricted holiday turte a tichhuak a; holiday ni 28 leh restricted holiday ni 34 a awm.

Sorkar tarlan danin, government holiday ni 28 bakah hian, Inrinni leh Pathianni zawng zawngah Mizoram sorkar pisa khar a ni dawn a; holiday bakah hian sorkar hnathawkte chuan restricted holiday ni 34 zinga an duh berah chawlh ni hnih an la thei bawk.

Sorkar damdawi-in, damdawi pek chhuahna, out patient department, sub-centre, leh thil dang pawimawh bika thawkte thawh hun chhung darkar leh an thawh ní tur chu Health & Family Welfare department thuchhuah angin a ni ang a; Police, Mizoram Home Guards, Fire Services, adt.-a thawkte chuan anmahni inkaihhruaina dan (manual) angin emaw, Home department thuchhuah angin emaw chawlh an nei thei bawk ang.