Health Minister-in lawmthu a sawi

Health minister Lalrinpuii chuan kohhran damdawi-inten Mizoram Universal Healthcare Scheme (MUHCS) an zawm zel avangin lawmthu a sawi.

Zawhna chhangin Health Minister chuan, "MUHCS hi BCM, LIKBK leh ECM-ten an lo zawm tawh a, ka lawm tak zet. Tunah Synod-in min rawn zawm ve leh dawn ta. Kohhranten MUHCS zirchiang a, zawm tlaka an ngai hi lawmawm kan ti tak zet zet a ni. A chhawrtu tur chu mipuite an ni,' a ti.

Lalrinpuii chuan private hospital la zawm lote pawhin an la zawm ngei a beisei thu sawiin, "Rawn zawmve ngei turin thinlung takin ka sawm nawn e," a ti a, cashless a nih avangin damdawi-inte tana harsatna a awm loh nan theihtawp an chhuah thu a sawi.