AR-in pre-recruitment rally buatsaih

Assam Rifles-te chuan nimin khan Bamboo Plantation Drive neiin, Ngopa, Mímbung, Kàwlbêm, New Vaikhawtlang, Hnahlan leh Zokhawsangahte mau an phun. January 4-6 chhung khan Lungleiah sipaia ṭang duhte tan inbuatsaihna 'Army Pre-recruitment Rally' an buatsaih bawk.

Army pre-recruitment rally-ah hian Aizawl, Lunglei, Siaha, Serchhip leh Lawngtlai district aṭangin ṭhalai 254 an inlan a; sipaia ṭang tura thiamna ngai (qualification) te, physical fitness leh written test hmachhawn dante zirtir an ni a, an hriselna dinhmunte endik nghal a ni.

Nimina hmun hrang hranga Assam Rifles-te'n Bamboo Plantation Drive an neihnaah hian mau ṭiak 1,090 an phun a ni. Drive an neih chhan chu, mipuiin sik leh sa ṭha zawk leh khawsak ṭha zawk an neih theih nan a nih thu an tarlang.