Dr Thangtea'n cancer enkawlna a tlawh

Health minister Dr R Lalthangliana chuan nimin khan Mizoram State Cancer Institute, Zemabawk a tlawh a, tihchangtlun hnathawh mek dan a enfiah.

Mizoram State Cancer Institute, Zemabawk hmunah hian cheng vaibelchhe 8.8 man tur cancer hospital sak mek a ni. Cancer hospital thar tur hi CB Engineer-ten sain tunah hian hna 20% thawh zawh tawh a ni a, ruahman anga hna a kal tluan chuan kumin March thla hian sak zawh hman beisei a ni.

Health Minister hian cancer hospital bula Tertiary Care Cancer Centre (cancer hemna khawlpui) pawh a tlawh nghal. Tertiary Care Cancer Centre-ah hian cancer hemna khawl lian cheng vaibelchhe 17 man Varian Medical Systems, USA kutchhuak leh khawl dang pakhat Brachy Therapy Machine bun a ni. Tunah hian hna hautak zualpui thawh zawh tawh niin reilote ah heng khawlte hi hman ṭan theih beisei a ni.