MNF-in an intiam angin nuai 3 sem rawh se: BJP

BJP, Mizoram Pradesh chuan thuchhuah siamin, MNF party chu political party dang buaipui loin, mipui hnena an intiam anga cheng nuai thum sem turin an chah.

BJP chuan, MNF vice president Lalthlengliana'n, inthlan dawna sum vanga BJP zawm chungchang a sawi chu thu belhchian dâwl lo nia sawiin, sum vanga BJP zawm a hria a nih chuan mipui hmaah sawi turin an chah a; "Anmahni zawk hi kum 2018 inthlan dawnah cheng nuai 3 in tina sem tura an intiam vanga sorkarna siam thei chauh an ni.

Mahni tih dik loh thup nana mi dang beih hi sim tawh se," tiin, party dang bei bei loin, mipui hmaa an intiamna zawk tipuitling turin an chah a ni.

MNF party chu central lamah an BJP a, Mizoramah erawh mipui hriata BJP an do tih sawiin BJP chuan, "Lehlama awr dum, lehlama awrsen, mize pahnih an neih hi sim tawh se, an nihna anga lang chhuak mai turin kan ngen a. Kum hnih sorkar hnu pawha opposition emaw an la inti tlat hi a zialo hle a ni," an ti.