Maubawkin Reiek thuchhuah ṭha lo an ti

Maubawk Local Council leh an venga pawl hrang hrangte chuan thuchhuah inṭâwm siamin, an vengah Covid-19 vei mi pasarih an awm avangin theihtawpa hma an lak mek laia an veng mite thinhrik thei zawng leh rilru tina thei záwnga Reiek khuain social media leh print media-a an thuchhuah chu ṭha lo an tih thu an tarlang.

Maubawk khawtlang chuan, an vengah Covid-19 vei mi pasarih an awm mekte chu an dam leh thuai an duh thu sawiin, Maubawk LTF-in contact tracing an buaipui mek thu leh, positive contact-te chu home quarantine zel an nih thu an tarlang a, "Hripui do kawngah theihtawpa kan thawhhona leh inpekna a ropui em em laia veng leh khua anga kan inthinhrik mai hi a pawi tak zet a ni," an ti.