Mizoram Rural Bank-in sikul 53-ah bungrua pe

Mizoram Rural Bank chuan kumina Zirtirtute Ni (September 5) pualin nimin khan sikul 53 hnenah thilpek an hlan. Thilpek hlanna inkhawm hi MRB Head Office-ah neih a ni a, School Education director Angela Zothanpuii'n a hmanpui a; khuallian bakah MRB chairman Sheryl L Vanchhong ten thu an sawi.

MRB-in an pekte chu tui dah vawhna 27, computer 21, printer pariat, portable speaker pahnih, musical instrument pahnih, pedestal fan panga, smart TV pathum leh laptop pakhat a ni a, a vaiin Rs 20,70,000 man a ni.