Red Ribbon Quiz-ah CLS Academy

Mizoram State AIDS Control Society (MSACS) bultumin September 3-4, 2025 khan Aizawlah state level Red Ribbon Quiz Competition buatsaih a ni a, Aizawl district aiawha tel CLS Academy zirlaite pakhatna niin, Regional Red Ribbon Quiz-ah Mizoram aiawhin an tel ang.

Quiz Competition hi Mizorama HIV/AIDS chungchang inzirtirna tura buatsaih a ni. State level Red Ribbon School Quiz hi Ignite Studio, Khatlaah buatsaih a ni a, district hrang hranga district level quiz-a pakhatna ṭheuhte an intihsiak.

Pakhatna CLS Academy aiawha telte hi Samuel Lalngaizuala leh Sam L Beihrosa te an ni a; pahnihna chu Khawbung High School niin, Oxford High School, Saitual chu pathumna an ni.

CLS Academy zirlaite hi National AIDS Control Organisation-in Septem-ber 22, 2025-a Gangtok, Sikkim-a Regional Quiz Competition a buatsaihah Mizoram aiawhin an tel dawn a; pakhatna an nih chuan national level quiz-ah an tel leh thei dawn a ni.