Tualthattu hrem phûtin Maubawk mipui Court bulah an pung khawm

August 19, 2025-a Rûnliani (80) m/o Zoramliana, Maubawk, Aizawl thattua puh Vanlalmuanchhana (21) s/o Zairemmawii, Maubawk chu nimin khan Aizawl District Court-ah hruai a ni a; a phu tawka hrem a nih ngei phûtin Maubawka pawl hrang hrang huaihawtin Court bulah mipui an pung khawm.

Maubawk veng mipuite chuan tualthattu an demna thu hrang hrang ziakin an keng lang a; tualthattu chu a phû tâwk hremna pe ngei turin Court an ngen a ni.

Tarlan tawh angin, Runliani hi a fanu leh a tupa nena khawsa an ni a, an in chhungah eichawp dawr an nei. August 19, 2025 khan an dawra thil lei tur pakhat in chhun dar 12:30 velah thiin a hmu a, a hrawkah chema zaina hnûhma a awm. Vanlalmuanchhana hi zu in ṭhin a ni a, ruihhlo dang a khawih hriat a ni lo a; a thah chhan ber chu pawisa a nia hriat a ni.