Agriculture Minister-in CPCRI a tlawh

Agriculture & Farmers' Welfare minister PC Vanlalruata chuan nimin khan Guwahati-a Central Plantation Crop Research Institute (CPCRI) a tlawh a; CPCRI hotute chu cocoa chungchanga thawhpuiah a sáwm.

Minister PC Vanlalruata hi CPCRI principal scientist Dr Alpana Das leh a thawhpuite'n lo an dawngsawng a, cocoa-a hma an lak dante an lo hrilhfiah bakah, hna an thawhna hmunte an fanpui. Kum 35 kal ta aṭangin cocoa zirchianna an kalpui tawh thu leh, a chi (seedling) ṭha thawn chhuah chungchangah Meghalaya leh Arunachal Pradesh sorkarte nen thuthlung an ziah dawn thu an hrilh a ni.

PC Vanlalruata chuan, Mizoram sorkar nena thawhpuiah CPCRI hotute a sáwm a; hemi chungchangah hian CPCRI hotute chuan, Mizoramah cocoa chîn kalpui a nih dawn chuan theihtawp chhuaha puih an inhuam thu leh, grafted seedlings pawh pilot project atan eng emaw zah pek an inhuam thu an sawi.