Bána Kaiha dilna lutte thlirho

Mizoram State Policy Coordination Committee (MSPCC) chu nimin khan an vice chairman Dr KC Lalmalsawmzauva kaihhruaiin Planning & Programme Implemen-tation department meeting hall-ah an ṭhukhawm a, Bána Kaih Phase-I hnuaia dilna lut ṭhenkhat an thlir bakah, thil pawimawh dangte an rêl.

Meeting-ah hian Bána Kaih loan component hnuaia department pathum - Agriculture, Fisheries leh Land Resources, Soil and Water Conservation department hnena dilna lutte thlir a ni a; department pathumah hian nimina dilna enho bak chu tihfel vek a ni tawh. Loan component bakah hian MSPCC member-te chuan Phase-II atana inpuahchahna an thlirho a, inzirtirna lam uar zawka kalpui ni se an ti.

Ṭhutkhawmah hian MSPCC member-te bakah, Agriculture department, Fisheries department leh Land Resources, Soil and Water Conservation department hotute an tel a ni.