LMC-in Saikuti Hall enkawl tawh dawn

Saikuti Hall Managing Committee chuan Lungleia Saikuti Hall chu Lunglei Municipal Council (LMC) enkawl zui tawh turin nimin khan LMC hnenah an hlan.

Saikuti Hall hi Management of Saikuti Hall Rules, 2003 hmanga enkawl a ni a, he dan hnuaiah hian Rural Develop-ment & Administration Secretary kaihhruaiin Saikuti Hall enkawlnaa thuneitu Managing Board a awm. Managing Board hnuaiah a taka enkawl turin Lunglei DC kaihhruai Managing Committee a awm leh bawk.

LMC-ikn Saikuti Hall an enkawl theihna tur hian Mizoram sorkar aṭangin ruahmanna kalpui a ni a; Managing Committee-in Terms & Conditions a duan chu Rural Development & Administration department hnuaia Managing Board-in August 18, 2025-a a pawmpui hnuah LMC hnenah hlan a ni ta a ni.

Terms & Conditions-ah hian Managing Committee aiawhin chairman Navneet Mann, bawrhsapin hming a ziak a, LMC aiawhin chief executive officer Donny Lalruatsanga'n hming a ziak thung a; hriatpuitu pahnih - DRDO project director ST Lalvensangi leh IPRO C Lalhruaitluanga ten hming an ziak bawk.