Dampa by-election-a hman tur EVM/VVPAT endikna hmasa zo

Dampa assembly constituency by-election inbuatsaihna atana electronic voting machine (EVM) leh voter verifiable paper audit trail (VVPAT) enfiahna, first level checking chu zawh a ni a, EVM/VVPAT-te chu strong room-ah dah luh leh a ni.

Dampa by-election-a hman tur EVM/VVPAT endik hi August 19, 2025 khan ṭan niin, nimin khan zawh a ni a; Electronics Corporation of India Limited (ECIL) engineer-ten VVPAT 103, ballot unit 103 leh control unit 110 an endik a ni.

Dampa bialah hian bialtu MLA Lalrintluanga Sailo a thih avangin by-election neih a ngai a, polling station 41 awmin, voter 20,358 (mipa 10,397 leh hmeichhia 9,961) an awm mek a ni.