LESDE Minister-in OKM-ah ṭanpuina a pe

Labour, Employment, Skill Development & Entrepreneurship (LESDE) minister Lalnghinglova Hmar chuan nimin khan Phunchawnga Operation Kingdom Ministry (OKM) home a tlawh a; infiamna bungrua chi hrang hrang, cement mixer khawl leh Rs 30,000 a pe.

Lalnghinglova Hmar chuan, OKM home-a awmte chu LEDSE hnuaiah Mizoram Building and Other Constructions Workers Welfare Board member ni vek turin a chah a, "Board hnuaiah hian hamṭhatna hrang hrang a awm a, in tan LESDE department emaw, Sport department emaw hnuaiah theihtawp chhuahin hma kan la tlâng zel dawn nia," a ti.

OKM home dintu Lalruatpuii sawi danin, OKM home-ah hian thawktu 52 leh enkawl lai mi 400 vel an awm mek a ni.

Minister hi LESDE director John Ṭanpuia, Excise & Narcotics com-missioner Z Lalhmangaiha leh department officer dangte’n an ṭawiawm.