Gas man bithliah thar a ni

Indian Oil Corporation-in eirawngbawlna gas (LPG) man a tihchhuah thar zûlzuiin Food, Civil Supplies & Consumer Affairs department chuan gas man a bitliah thar a, August 1, 2025 khan hman ṭan a ni. Domestic cylinder (kg 14.2) man leh composite (kg. 10) man tihdanglam a ni lo a, commercial cylinder (kg 19) man leh XtraTej (kg. 19) man tihhniam a ni.

FCSCA department tarlan danin, Vairengte tih loh hmun dang zawngah gas domestic cylinder man Rs 1,005 (July-ah Rs 1,005), commercial cylinder man Rs 2,079 (July-ah Rs 2,113), XtraTej (kg. 19) man Rs 2,101.50 (July-ah Rs 2,135.50) leh composite (kg. 10) man Rs 724 (July-ah Rs 724) a ni.

Vairengteah chuan domestic cylinder Rs 996 (July-ah Rs 996), commercial cylinder Rs 2,063.50 (July-ah Rs 2,097.50), XtraTeJ Rs 2,086 (July)-ah Rs 2,120) leh composite Rs 714 (July-ah Rs 714) a ni thung.