Aakanksha Haat hawng

Lunglei DC Navneet Mann chuan nimin khan Saikuti Hall-ah chawlhkar khat awh tur tualchhung thil siamte pho chhuahna Aakanksha Haat a hawng a; Sampoornata Abhiyan kalpui meka Lungsen Aspirational Block hmasawnna tura thawktute hnenah chawimawina a hlan.
Aakanksha Haat-ah hian Lungsen RD Block hnuaia self help group-te thil siam - kut themthiam thil (handicraft) leh ei tur (food item) chi hrang hrang pho chhuah a ni.

Lunglei RD Block aṭangin tahpuan (handloom), District Agriculture Office aṭangin thlai chi, thlai enkawlna damdawi, kut hnathawktute thar chhuah hrang hrang leh Lunglei aṭangin handicraft item, District Horticulture Office aṭangin pangpar leh a kaihhnawihte pho chhuah a ni a; DC pisa, Health department leh bank-te mipui dawr theih turin an inhawng bawk.

Aspirational Block Programme hnuaia hmasawnna tehfung paruk zingah Lungsen RD Block hian tehfung paliah 100% a tihlawhtling a, bronze medal a dawng a ni.