Aizawla veng ṭhenkhata zawrh turin Samthang zîkhlûm thawn chhuak

Samthang Farmers' Association chuan an khaw mipuiin zikhlum an thar ṭhahnem tak chu nimin khan thawn chhuah rûnpui an nei. Zikhlumte hi Aizawla YMA branch ṭhenkhat kaihhruaina hnuaiah zawrh tum a ni.

Thu dawn danin, Samthang khuaah hian chhung­kaw 145-in zik-hlum an ching a, a hralh chhuahna lamah harsat­na tâwkin, an hralh theih loh avangin eng emaw zat a ṭawih chhe tawh a ni.

Samthang zikhlumte hi Aizawla YMA branch ṭhenkhat - Khatla, Maubawk, Tuikual, ITI Veng, Bethlehem veng, Chaltlang leh Republic Veng branch hruaitute chu Samthang Farmers Association hruaitute chuan an bia a; YMA branch-te kaihhruaina hnuaiah hian an veng chhungah zikhlumte chu zawrh an tum a ni.

Nimina zikhlum thawn chhuah rûnpuiah hian zikhlum satha ip 700 vel an thawn chhuak a; zikhlum phurhna tur lirthei hman man Rs 50,000 chu bialtu MLA Ramthanmawia'n a tumsak a ni.