Lunglei ZPM Ṭhalai-in FIR thehlut

ZPM Ṭhalai Southern Headquarters, Lunglei chuan Lunglei High Powered Committee (HPC) vice chairman V Malsawmtluanga, Lunglei North bialtu MLA chu social media-ah mawi lo tak leh thu belhchian dâwl lo hmanga puha tihmualpho a nia ngaiin nimin khan Lunglei Police Station-ah FIR an thehlut.

Lunglei ZPM Ṭhalaite hian an president Vanlalliana Pachuau hmingin FIR an thehlut a; voice call, video, Facebook leh Whatsapp-ahte V Malsawmtluanga chu dâwt leh thu dik lo hmanga tihhmingchhiat leh tihmualpho a nih avangin, thu dik lo thehdarhtu leh a bul tumtute chhui chhuak a, dan anga hma la turin an ngen a ni.