SA-in raltlante tan ṭanpuina pe

Salvation Army, India Eastern Territory (IET)-a Emergency Relief & Disaster Services chuan nimin khan Zokhawthar, Saikhumphai leh Vaphaia Myanmar aṭanga raltlante hnenah thilpek chi hrang hrang an hlan.

Salvation Army hian Zokhawthara raltlante tan cabinet secretary Col. Lalliankunga hoin buhfai quintal 10, dailuah qtl 8, têl báwmpui 15 leh chi qtl 1.5 chu Zokhawthar YMA hnenah an hlan a; sahbawn, sanitary pad, ha nawhna leh ha-hlo ṭhahnem tak raltlante hnenah an sem.

SA Social & Emergency secretary Maj. Lalhmingthanga hoin Vaphai leh Saikhumphaia raltlante tan Vaphai YMA hnenah buhfai qtl 10, dailuah qtl 8, tél báwmpui 15 leh chi kg. 150 an pe a; raltlan mimal hnenah sahbawn, sanitary pad, ha nawhna leh hahlo an sem bawk.