PHC pathumin NQAS hmu thar

Mizorama primary centre pathum chuan India rama sorkar damdawi-in ṭha tehna National Quality Assurance Standards (NQAS)-ah national certifi­cation an hmu thar.

National Health Mission mission director Dr Lily Chhakchhuak hnen aṭanga thu dawn danin, NQAS hmu tharte hi Buarpui Primary Health Centre (PHC), Darlawn PHC leh Kanghmun PHC te an ni a; NQAS tehnaah Kanghmun PHC-in 95.19%, Darlawn PHC-in 85.84% leh Buarpui PHC-in 93.69% an hmu a ni.

Mizorama sorkar damdawi-in zinga 32-in NQAS national certification an hmu tawh a, chung zinga 22 chu PHC an ni. Sorkar damdawi-in 23-in state level certificate nei tawhin, national certificate result nghak mek damdawi-in pariat an awm tih NHM chuan an tarang.