Falkland-ah kawng khâr dawn

PWD chuan Falkland Venga Aizawl By-pass Road-a lei tlahniamah kawng lai chatin tui luankawr an siam dawn a, hei vang hian vawiin chawhma dar 11 aṭanga zan dar 7 thleng kawngpui khâr a ni dawn tih Traffic SP Ruatsanga Ralte chuan a tarlang.

Traffic SP tarlan danin, Falkland Veng lama kal tur LMV chin hnuai lam lirtheite chu Zemabawk Kawnveng aṭangin Falkland Veng lamah tlan theih a ni a; Falkland lam aṭangin Zemabawk Kawnveng lamah two wheeler chauh tlan phal a ni. HMV leh MMV-te chu zar dar 7 hma chuan tlan phal a ni lo.