Tlang ram mil buh chi ṭha siam turin ngen

Agriculture & Farmers Welfare minister PC Vanlalruata chuan, Mizoram sik leh sa leh ram leilung nena inmil tlang rama chìn tur buh chi ṭha (high yielding upland paddy) siam chhuak tura hma la turin sorkar laipuia Ministry of Agriculture & Farmers Welfare a ngen.

PC Vanlalruata hi nimin khan Indian Council of Agricultural Research (ICAR) Society Annual General Meeting vawi 96-na, NASC Complex, PUSA, New Delhi-a neihah a tel a; Union Agriculture & Farmers Welfare minister Shivraj Singh Chouhan chu chairman niin, state leh nuion territory hranga Agriculture leh a kaihhnawih minister-te leh official-te an tel.

Mizoram Agriculture Minister chuan Ministry of Agriculture & Farmers Welfare hnenah thil pawimawhte a thlen a; Mizoram sik leh sa leh ram leilung nena inmil, tlang rama chìn tur buh chi ṭha siam chhuah a nih theih nan hma la turin a ngen.

PC Vanlalruata chuan, Mizorama rawṭhing (Bambusa Tulda) tâm mek vanga loneitute leh mipui harsatnate sukiang tura pui tura ICAR a ngen bakah, special financial assistance ruahmansak turin sorkar laipui a ngen a; College of Horticulture tihchangtlunna tur mamawhte leh Mamit district-a leilet (wet rice cultivation) nasa zawka kalpui a nih theih nan hma laksak turin Union Agriculture & Farmers Welfare Minister a ngen bawk.