Serchhipah media workshop buatsaih

Directorate of Information & Public Relations leh Mizoram Journalists' Association bultumin Serchhip IPRO leh District MJA-te chuan nimin khan Serchhip Press Club-ah Media Workshop an buatsaih.

Media workshop-ah hian Serchhip IPRO Lalnunmawii, deputy director chuan Vanneihtluanga paper 'Traditional media and new media' tih a chhiar chhuak a; fuihna thu a sawi nghal. Serchhip MJA president C Lalhminghlua’n Dr H Laldinmawia paper 'Mizo ṭawng ziah dan dik' tih a chhiar chhuak bawk. Thupui pahnih hi Serchhip MJA vice president Kapliana Pachuau kaihhruaiin sawiho a ni.

Nimina workshop-ah hian MJA member atan lak thar Vanlalzarzova, editor, Zawlbuk Aw, Thenzawl lak luhna hun hman a ni bawk.