16th Finance Commission hnenah CM Duha'n Mizoram mamawh a thlen

India hmarchhak state pasariha chief minister-te leh an aiawhte chu nimin khan Imperial Hotel, New Delhi-ah 16th Finance Commission member-te nen an inkâwm a; chief minister Lalduhoma telin, Mizoram mamawhte a thlen.

Inkawmnaah hian Lalduhoma bakah, Meghalaya chief minister Conrad Sangma te, Tripura Finance minister Pranajit Singha Roy leh state dang CM aiawh leh official-te an tel. Hmarchhak state aiawhte hian dilna inṭâwm - Joint Memorandum an siam chu 16th Finance Commission hnenah an thehlut a ni.

16th Finance Commission hian India rama state hrang hrang an tlawh tawh a, Mizoram pawh an rawn tlawh tawh. An hmalakna kal zelah nimin khan hmarchhak state CM-te nena inkawmna hun an buatsaih a ni.

inance Commission hi Indian Constitution Article 280 anga sorkar laipui leh state sorkar ten kum nga chhunga sum an insem dan tur duangtu a ni a; Finance Commission 16-na hi April 1, 2026-ah hman ṭan a ni ang.