Kum 40 mi chemtea vih hlum a ni

July 2, Nilaini tlai dar 5:30 vel khan T Lalengzauva (40) s/o Zasanga (L), Thingfal, Lunglei district, Ṭhuampui Vengthara cheng mek chu Lalzalawma (21) s/o Zasanga (L), Ṭhuampui Vengtharin chemtein a vit hlum.

Vanglaini thu dawn danin, T Lalengzauva leh Lalzalawma hi an ṭhianpa Siamthanga, Ṭhuampui Veng­thar nen July 2 tlai khan T Lalengzauva te inah zu an inho a; T Laleng­zauva leh Lalzalawma chu an inhnial a, Lalzalawma chuan chokaa chemte chuhin, T Lalengzauva chu a vit a ni.

T Lalengzauva hi Greenwood Hospital panpui niin, zai turin operation theatre-ah dah luh a ni a, zai a nih hmain a hliam tuar loin a thi. Lalzalawma hi police-in an man a; Siamthanga chu thil thlen laiin varanda-ah a chatthla nia hriat ni mah se, thu zawhfiah atan police-in an la.

T Lalengzauva ruang hi Ṭhuampui YMA Hall-ah lumen a ni a, nimin khan postmortem a nih hnuah an khuaah thawn a ni.