Bawlhhlawh paihna tur siam mek

UDPA minister K Sapdanga chuan, damdawi-in bawlhhlawh paihna tur bik te, in sakna hmanrua leh bawlhhlawh paihna tur bik leh, bawlhhlawh ṭawih thei leh ṭawi thei lo paihna tur bik a hrang ṭheuha siam mek a nih thu a sawi.

Minister K Sapdanga hian Central YMA, UDPA, Aizawl Smart City leh AMC ten Aizawla YMA branch-te faina lamah inelna tur inhrilhfiahna hun June 27, 2025 zana an buatsaihah Aizawla bawlhhlawh chi hrang hrang paihna tur siam mek dante a sawi a ni.

UDPA Minister sawi danin, Tuirialah damdawi-in bawlhhlawh paihna hmun siam a ni a; Hualngohmun ramah in sakna bungraw liante paihna leh sawngbawlna tur siam mek a ni. Tanhril daiah bawlhhlawh ṭawih thei lo paihna tur siam mek niin, siam zawh a nih hunah chuan bawlhhlawh ṭawih thei lo chauh paih a ni dawn a, Tuiriala bawlhhlawh sawngbawlnaah chuan ṭawi thei chauh paih a ni tawh ang.