Sairanga FCI kudam peih vat turin MP (RS)-in FCI Chairman a ngen

Rajya Sabha MP Richard Vanlalhmangaiha chuan June 27, 2025 khan Food Corporation of India (FCI) chairman Ashutosh Agnihotri chu a pisaah a kâwm a; Sairangah rêlin buhfai a phurh thlen vat theih nan Sairanga FCI kudam sak mek chu peih vat turin a ngen.

Richard Vanlal-hmangaiha hian FCI Chairman hnenah, Sairangah rêlin buhfai a phurh thlen vat theih nan FCI kudam chu a rang lam peih turin a ngen a; Mizoramah a hma lama FCI Regional Ofiice din theih ni se a duh thu a thlen nghal a ni.

Open Market Sale Scheme-Domestic (OMSS-D) approval muang lutuk leh pawm a nih hnu pawha releasing order (RO) chhuak har lutuk ṭhin vanga buhfai supply a khaihlak ṭhin dan leh, Mizorama labour (thawku) tlem vanga local transportation a muan thute Mizoram MP chuan a sawi bawk.

FCI Chairman hian hmarchhak lam enkawltute a ko nghal a; Mizoram harsatnate chu a rang lama lo enpui a, chinfel vat a nih theih nan hma a lak tur thu MP a hrilh a ni.