Kohhran ṭhalaite'n thisen pe

June 28, Inrinni khan Mizoramah kohhran ṭhalai pawl pangate'n thisen unit 219 an pe. KṬP, Tuikual Branch chuan ZMCH tan thisen unit 64 pein, petute mipa 43 leh hmeichhia 21 an ni a; KṬP, Vaivakawn Branch pawhin Synod Hospital tan unit 29 pein, petute mipa 24 leh hmeichhia panga an ni.

Salvation Army Youth (SAY), Southern Division-in Civil Hospital, Lunglei blood bank-ah thi unit 68 an pe a, petute mipa 56 leh hmeichhia 12 an ni. Mizoram PYD, Chaltlang Bial-in Civil Hospital, Aizawl tan thisen unit 36 pein, petute mipa 32 leh hmeichhia pali an ni a; Serchhip Town PYD (NEI)-te'n Serchhip District Hospital-ah unit 22 pein, petute mipa 19 leh hmeichhia pathum an ni.

Inrinni vek khan Rebecca Saimawii'n Civil Hospital, Aizawl Blood Bank-ah thisen a pe a, vawi 87 a pekna niin, Mizo hmeichhe zinga thisen pe ngun ber a ni.