CMWA-in chhawmdawlna an sem

Covid-19 donaa Kolkata-a Mizo awmte zinga hmalakna atana Calcutta Mizo Welfare Association (CMWA)-in a din Kolkata Mizo Task Force chuan nimin khan Kolkata-a Mizo tangkhang eng emaw zat hnenah chhawmdawlna an hlân.

Nimina chhawmdawlna an pekte chu - Picnic Garden lama chhungkaw 28 (mi 64), Mukundapur lama chhungkaw 18 (mi 70), Salt Lake lamah mi pariat leh Dum Dum lamah mi pakhat an ni. Chhawmdâwlna atan hian mi ṭhahnemngai eng emaw zatin pawisa an thawh a; ṭhahnemngaite thawh khawm aṭangin Rs. 2,10,300 hmu tawhin, Rs. 1,14,400 an sem chhuak tawh a ni.

CMWA chuan, Kolkata-a tangkhang chhawmdawl ngaite tana phal taka sum leh pai thawhtu zawng zawngte chungah lawmthu an sawi a ni.