AR-in CYMA-ah thilpek an hlân

23 Sector Assam Rifles hnuaia 46 Assam Rifles chuan nimin khan Central YMA hnenah a mamawh apiangte hnena an pek turin eitur leh duty-te mamawh tur hrang hrang an pe.

AR-te thilpek dawngtu CYMA vice president Lalhmachhuana chuan, AR-te inpekna leh an hnathawhin Covid-19 donaah phûrna thar a pek thu a sawi a, hri donaa thawhhopui zel atan a sáwm.

46 Assam Rifles thuchhuah tarlan danin, AR sipai Hnahlan leh Mimbunga awmte chuan local task force-te nen ṭangkawpin ramri ven hna an thawk mek a ni.