Mizorama pawl 6-in thisen unit 290 pe

June 21, Inrinni khan Mizoram hmun hrang hrangah pawl parukin thisen unit 290 an pe. KṬP, Sairang Pastor Bial-in Synod Hospital tan thisen unit 81 an pe a, petute mipa 62 leh hmeichia 19 an ni a; KṬP, Luangmual Branch-in an kohhran kum 100 tlin lawm nan Civil Hospital, Aizawl tan unit 74 an pe a, petute mipa 59 leh hmeichhia 15 an ni.

Salvation Army Youth, Central South Division-in ZMCH tan unit 37 an pe a, petute mipa 28 leh hmeichhia pakua an ni. KṬP, Khuangleng Pastor Bial-in Champhai District Hospital tan Sesih PHC-ah unit 45 pein, petute mipa 39 leh hmeichhia paruk an ni a; Baktawng Bial KṬP member mipa 27 leh hmeichhia pathumte'n Serchhip District Hospital tan unit 30 an pe. ṬKP, Vaisam Bial-in Lunglei Civil Hospital tan unit 23 an pe bawk.