Thla hnih hlawh la tawh lo

Mizorama wildlife guard-te chuan thla hnih chhung (April leh May) hlawh an la tawh lo a, an mangang tawh hle nia thu dawn a ni.

Hetihlai hian Assembly Budgest Session hnuhnung berah Environment, Forest & Climate Change (EFCC) minister Lalthansanga chuan wildlife guard-te hi budget thar aṭang chuan thla bi-a hlawh pek an nih tawh tur thu a sawi a ni.

EFCC Minister sawi danin, wildlife guard-te hlawh hi central sorkar tum a ni a, a rawn kal tlai ṭhin avangin hlawh an lak tlai phah ṭhin. Budget thar aṭang chuan Finance Minister remtihnain state sumin an hlawh pek a ni anga, an hlawh tur rawn kal hunah rulh leh ṭhin a ni ang.