YMA Khawmpui Lian pandal tur sa ṭan

October 2025-a YMA Khawmpui Lian vawi 75-na thlengtu tur Sakawrdai Branch YMA chuan nimin aṭang khan pansal tur an sa ṭan.

Pandal sak hna hi a nawlpuia thawh theih a la ni lo a, a ruh relpui tun chauh a nih avangin mi 50 vel an thawk chhuak. Pandal sa thiam mi pathum rawih an ni a, an kaihhruaina hnuaiah hna thawh a ni. June thla chhung hian a ruh relpui hi zawh hman an inbeisei.

A ruh relpui siam zawh a nih hunah hnatlangpui koh tum a ni a, pandal sak hna hi tluang taka thawh theih a nih chuan September thla ral hmaa sak zawh hman an inbeisei a ni. Bialtu MLA Lalchhandama Ralte leh N Khawdungsei VCP-te chuan hnatlangtlangte thingpui inna tur an pe.