Architects Forum-in silver jubilee lawm

Mizoram Architects Forum (MAF) chuan an din champha vawi 25-na, silver jubilee chu June 13, 2025 khan an lawm ṭan a; chhun lamah Mizoram New Capital Complex (MINECO)-ah thing an phun bakah, zan lamah jubilee hawnna hun an hmang.

MAF hian an silver jubilee lawmna atan MINECO thlanmual kawngah thing ṭiak eng emaw zat an phun a, an member ṭhahnem tak an tel. Zanah Aijal Club-ah jubilee lawmna hawnna hun an hmang a, MAF silver jubilee logo an tlangzarh.

MAF-ah hian Mizorana architect, sorkara thawk leh private-a an tel a; Mizoramah Council of Architecture-a registered license nei architect 193 an awm mek. MAF hi November 3, 2000-ah din a ni a, silver jubilee hi kumin chhung an lawm dawn a ni.